Pavarësisht se del në shumë prej përgjimeve të Bild për blerjen e votave në Dibër, Damian Gjiknuri, duket se gjen kohë dhe të bëjë ironi dhe gallatë me qytetarët.
Së fundi ai ka publikuar një foto me të rinjtë në Vlorë, të cilët sipas tij janë të rinjtë gangsterë që ai dëgjohet të flasë në përgjime.
“Pranë furgonit me gocat dhe çunat “problematik” të Forumit Eurosocialist të Vlorës, me të cilët po udhëtojmë në çdo lagje për të prezantuar Dritan Lelin dhe skuadrën e Partisë Socialiste në Këshillin Bashkiak”, shkruan Gjiknuri bashkëngjitur fotos me të rinjtë e FRESSH.
Kujtojmë se Gjiknuri në përgjimet e Bild është kapur në diskutime të vazhdueshme për procesin e blerjes së votave, ndërkohë që dje dëgjohej duke përgëzuar Imer Lalën, me fjalët: Tërmet, tërmet, e bëre tërmet fare! (Lexo ketu te plote)
Duket se të gjithë socialistët në bllok kanë zgjedhur që të mos marrin asnjë përgjegjësi, qoftë edhe politike për përgjimet, pasi ajo ligjore duket e pamundur sa kohë që prokuroria ka mbetur në vendnumëro me hetimet.
(E.K/Faxweb.al)
Discussion about this post