Kokëdhima i tregon “dhëmbët” Ramës: Po të ketë garë do garoj për kreun e PS-së

I ftuar ne Zululand, Kokëdhima u shpreh se “nuk ka për ta mohuar asnjëherë miqësinë me Edi Ramën, dhe se Edi Rama nuk ka për të qenë armik i tij”.

Por në të njëjtën kohë, ish-deputeti tha se Rama pengon demokratizimin e partisë.

“Me demokratizim të partitë kuptoj hapjen dhe krijimin e kushteve për garë të barabartë për të gjitha postet e mundshme; në PS duhet futur praktika e primareve”, tha Kokëdhima dhe shtoi: “Mënyra se si funksionojnë partitë duhet të organizohet mbi bazën e një ligji, që duhet bërë në parlament, e jo mbi bazën e statuteve që shkelen në çdo moment”, u shpreh Kokëdhima.

Ndër të tjera, pyetjes së gazetarit që nëse do kishte kandiduar për kreun e PS-së, Kokëdhima iu përgjigj në mënyrë pozitive duke e sfiduar Ramën.

Në debat e sipër, Kokëdhima iu drejtua moderatorit të Zululandit me fjalët: “Zëri yt është i rëndësishëm në këtë vend, por problemi yt është se ti nuk je misionar. Ti duhet të bësh misionar si unë.” (A.R/ Shuplaka)