Kryetari i Partisë “Zgjidhja” Koço Kokëdhima i ftuar në televizionin Fax News foli mbi çështjen e prishjes së Teatrit Kombëtar.

“Teatri nuk ra rastësisht por ra sepse Kryeministri Rama është më shumë se kryeministri, presideti, parlamenti dhe e gjithë populli, dhe kjo e gjitha falë kryedemokratit Basha. Kontrolli mbi qeverinë është balanca e pushteteve dhe parlamenti të jetë i lidhur me popullin më shumë se me qeverinë.

Nëse nuk bëhen rregulla të tilla do të ketë edhe shembje të tilla dhe këta nuk ndalen.
Ne do vazhdojmë të shtypemi, të na vjedhin. Të gjitha të këqijat  vijnë nga zgjedhjet pasi aty dalin përfaqësuesit tanë.
E dija se do dështonte kjo protëstë e teatrit që në çastin kur në shesh të tyre zbriti vetë kreu i demokratëve.

Kur e them këtë kam parasysh dështimet e tij dhe të LSI në mbrojtje të kauzave të tilla si taksa tek rruga e kombit, unaza e re, banesat në Shkozë e tjera si këto. Arsyeja e këtyre dështimeve të këtyre protestave është fare e thjeshtë, populli nuk beson më tek ta dhe kjo duket qartë.

Nuk pati rezistencë dhe mos pritni të ketë rezistencë të fortë për një godinë të tillë, për një muzeum nga një popull i varfër si ne. Një popull i varfër nuk protestion për muzeum.
Nuk mud të lejojmë që dy-tre njerëz të udhëheqin fatet tona. Nuk mundet këta të administrojnë zgjedhje. Duhet të ketë referendume duke filluar që nga çështja e teatrit, le ta vendosë populli.Kjo është e vetmja zgjidhje.

Basha është përgjegjësi kryesor për shembjen e teatrit dhe jo qeveria, pasi kjo qeveri është prej tij aty ku është”,-tha ish-deputeti Kokëdhima.