Koço Kokëdhima i larguari me më shumë zhurmë nga rradhët e PS-së vazhdon takimet e tij me bazën e mbështetësve. Me platformën e re ‘’Zgjidhja’’ Kokëdhima synon që të bindë të afrohen në rradhët e tij të gjithë socialistët e zhgënjyer nga Partia. Nga Fieri Kokëdhima ka nisur edhe nismën e tij më të re qytetare ”Unë zgjedh deputetin që dua”. Sipas Kokëdhimës ndryshimi në PS duhet të nisë nga poshtë.
Duke folur me mbështetësit në Fier, Kokëdhima ka akuzaur drejtimin e Partisë Socilaiste si autokratike, që forumet nuk kanë diskutiom dhe se nuk ka vendim kolegjial.
‘’Udhëheqja e PS-së është autokratike, forumet e saj nuk informohen, nuk diskutojnë e vendosin për asgjë kolegjialisht. Grupi parlamentar, Asambleja Kombëtare dhe Kongresi kanë rënë plotësisht. Niveli i tyre, nga pikëpamja e funksionimit, debatit dhe respektimit të rregullave të partisë, është më i ulët edhe se niveli që kishte organizata e rinisë së Lapulecit në kohën e Enverit! Asnjë zhvillim i rëndësishëm nuk debatohet e vendoset në forumet e partisë. Këto forume përdoren vetëm për propagandë nga ministrat dhe kryetarit’’, është shprehur Kokëdhima.
Ndërkohë që ai ka thënë se për heqjen e mandatit të tij lidershipi i PS-së ka bashkëpunuar me Sali Berishën duke e goditur pas shpine.
‘’Unë kam denoncuar bashkëpunimin e lidershipit të PS-së me Sali Berishën për të goditur mandatin tim të deputetit duke urdhëruar politikisht Gjykatën Kushtetuese. Kjo kulturë e luftës pas shpine nuk kufizohet vetëm në rastin tim. Gjatë tre viteve të punës time si deputet kisha në qafë makinerinë e shpifjeve, intrigave dhe diversioneve që është një nga më të neveritshmet që mund të imagjinohet. Kjo makineri prodhon, përpunon e shpërndan sajesa, shpifje e lajme të pavërteta në media, rrjetet sociale, shërbimet diplomatike, mjediset politike e shoqërore. Prandaj është shkatërruar plotësisht bashkëpunimi, besimi i ndërsjelltë, solidariteti i sinqertë dhe kultura e punës në Partinë Socialiste.
Sikur zyrtarët tanë t’i harxhonin energjitë për punët e popullit dhe ekonominë e qytetarëve, kushedi sa perime, zarzavate e fruta do të kishim eksportuar në Europë këto vite dhe nuk do të ishim një vend që importon, gati një miliard dollarë në vit, mish e ushqime për popullatën. Të gjithë ata që janë pjesë e makinerisë së pushtetit që merret me intriga, shpifje dhe diversion, shpërblehen me para e të mira publike. Pjesë e kësaj makinerie janë edhe “skifterët” e qeverisë, Bolino, Merua e të tjerë’’, ka vijuar Kokëdhima. (E.K/SHUPLAKA)
[ngg_images source=”galleries” container_ids=”1008″ sortorder=”4958,4953,4954,4955,4956,4957″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post