Pas dorëheqjes nga posti i Sekretarit të Reformës Strukturore dhe Emigracionit të PS-së, ish-deputeti Koço Kokëdhima ka qenë në qendër të vëmendjes së mediave.
I ftuar në Zululand, Kokëdhima u shpreh se do ta ankimojë vendimin e Asamblesësë Partisë Socialiste për përjashtimin e tij.
“Do ta ankimoj vendimin e Asamblesë së PS-së”, është shprehur Kokëdhima.
Ndër të tjera, Kokëdhima shtoi se gjatë këtyre tre viteve e gjysmë ai ka demonstruar se është një model tjetër politikani, që mendon për popullin, që është i ndershëm me votuesit, që rri gjithnjë pranë tyre dhe që i qëndron besnik vizionit të vet.
Kokëdhima foli edhe për kryeministrin Rama, i cili sipas tij duhet t’i vijë turp nga ky veprim.
“Edi Rama nuk është armiku im; nuk ka për të qenë kurrë armiku im. Mirëpo me këtë që bëri, ai turpëroi veten, nuk më turpëroi mua”, tha ai.
Ndër të tjera ish-deputeti tha gjithashtu se nuk është e vërtetë që në PS nuk e duan, përkundrazi.
Pa nisur votimi në Asamblenë e PS-së më 23 dhjetor, Kokëdhima dha dorëheqjen e parevokueshme nga posti i sekretarit të emigracionit. Vetë ai e justifikoi dorëheqjen me faktin që nuk do donte të vinte në vështirësi kolegët në lidhje me votimin.
Por pavarësisht se ai dha dorëheqjen, asambleja sërish votoi për shkarkimin e tij. (D.D/Shuplaka)
Discussion about this post