Ish-deputeti Koço Kokëdhima, i cili sëfundmi ka themeluar lëvizjen më të re brenda grupit socialist “Zgjidhja”, uron presidentin e ri të SHBA-së Donald Trump.
Nëpërmjet një statusi në Facebook, Kokëdhima shprehet se fitorja e Trump mbush me shpresë jo vetëm zemrat e amerikanëve, por të të gjithë botës.
Sipas Kokëdhimës, gjatë fjalimit të tij Trump ka folur edhe për kastën sunduese të Shqipërisë.
Statusi i plotë:
Rrugëtim të ndritur z.President Trump! Kam besuar çdo çast ne idetë, vizionin dhe fitoren tuaj, z.Trump.
Kjo fitore madhështore dhe personaliteti Juaj i jashtëzakonshëm, mbush me shpresë jo vetëm zemrat e amerikanëve.
Presidenti Trump tha: “Sot ne nuk po transferojmë thjesht pushtetin nga një parti në tjetrën, por ne po transferojmë pushtetin nga Washington D.C. dhe po ja kthejmë popullit amerikan.
Nuk ka rëndësi cila parti kontrollon pushtetin, por nëse qeveria jonë kontrollohet nga populli.
Njëzet janari 2017 do të kujtohet si dita, kur populli u bë sundues i kombit përsëri.
Njerëzit e harruar të vendit tonë nuk do të jenë më të tillë. Një komb ekziston për t’u shërbyer qytetarëve të vet!” Z.President Trump foli për të gjithë qytetarët e planetit, foli për të gjithë ata që kanë veshë, foli edhe për kastën sunduese të Shqipërisë! Të mësojmë nga Presidenti Trump! (D.D/Shuplaka)
