Trupi gjykues i Kolegjit të Posaçëm të Apelimit (KPA) shpalli sot vendimin për çështjen nr. 56/2024, datë 27.12.2024, që kishte në shqyrtim ankimin e Komisionerit Publik kundër vendimit të Komisionit të Pavarur të Kualifikimit (KPK), nr. 811, datë 08.11.2024, që i përkiste subjektit të rivlerësimit, znj. Eranda Laze.
Trupi gjykues i përbërë nga Ina Rama (kryesuese), Sokol Çomo (relator), dhe anëtarët Albana Shtylla, Mimoza Tasi dhe Natasha Mulaj, vendosi në mënyrë unanime:
Ndryshimin e vendimit të KPK-së dhe shkarkimin nga detyra të znj. Eranda Laze.
Vendimi u bazua në nenin 66, pika 1, shkronja “b” të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” dhe është përfundimtar me efekt të menjëhershëm.
Vendimi u shpall publikisht sot, më datë 29 korrik 2025, në Tiranë.
