Kolegji pritet të finalizojë Trump, hapi i fundit i procesit zgjedhor

Anëtarët e Kolegjit Zgjedhor të Shteteve të Bashkuara pritet të finalizojnë sot zgjedhjen e republikanit Donald Trump në postin e presidentit.

Vota e Kolegjit prej 538-anëtarësh është hapi i fundit në procesin zgjedhor të SHBA-së.

Zgjedhësit e 50 shteteve dhe në Uashington do të mblidhen në kryeqytetet e tyre dhe do të votojnë.

Jo të gjithë anëtarët e Kolegjit Zgjedhor janë të detyruar të votojnë për fituesin e zgjedhjeve në shtetin e tyre.

Për këtë arsye, disa demokratë dhe të tjerë kanë bërë përpjekje të bindin disa anëtarë të Kolegjit që të zgjedhin një tjetër republikan dhe jo Trumpin.

Mbështetësit e kësaj përpjekjeje thirrën në raportet se hakerë të mbështetur nga Qeveria ruse, kanë ndikuar fushatën presidenciale në SHBA, si dhe në dyshimet mbi marrëdhëniet biznesore të Trumpit.