Kolegji Zgjedhor shpalli moskompetencën në mbledhjen e kësaj të premte për të shqyrtuar kërkesën e ish-deputetit Dashamir Tahiri, të cilit iu hoq mandati nga Komisioni Qendror i Zgjedhjeve në kuadër të ligjit të dekriminalizimit vetëm pak javë më parë.
Po kështu në seancë, avokati i Tahirit e quajti vendimin e KQZ të parregullt pasi nuk ishte marrë me shumicë të cilësuar.
Në këtë çështje relator ishte Astrit Kalaja, ndërsa anëtarë të tjerë të trupit gjykues ishin Sotiraq Lubonja, Gjin Gjoni, Ridvan Hado dhe Shkelqim Mustafa.
“I jemi drejtuar Kolegjit Zgjedhor pasi kështu parashikohet në Kodin Zgjedhor. Vendimi është marrë 4 me 3, kur duhej të merrej me shumicë të cilësuar”, tha avokati i Tahirit, Julian Mërtiri.
Ndaj këtij vendimi ka reaguar edhe Tahiri duke thënë se Kolegji Zgjedhor është prentendent për shqyrtim. Dashamir Tahirit iu hoq mandati në kuadër të ligjit të dekriminalizimit, ku u vërejt se ai në formularin e vetëdeklarimit nuk kishte vënë një vendim të gjykatës italiane për akuzën e falsifikimit të patentës. Vetë Tahiri tha se nuk ishte në dijeni të këtij vendimi. (J.V/Shuplaka)
Discussion about this post