Prodhuesit e sharqirit në Sopëz , kanë një muaj e gjysëm që po luftojëe karkalecin, por pa sukses.
Sot ata jane dorëzuar, duke kërkuar ndihmën e mediave për të bërë publike shqetësimin e tyre.
Kolonite e karkalecave kanë demtuar 400 ha tokë në fshatrat e bashkisë Divjake. Zonat si Sopëz, Mërtish, Këmishtaj, e Grabjan, jane më të demtuarat.
“Po bëjmë një muaj e gjysmë ka rënë një batalion karkalecash dhe ka bërë dëme në bujqësi, blegtori. Do jetë problem edhe për bagëtinë se nuk ka ushqqim. Asnjë gjë s’po bën efekt po spërkasim 200 mijë lekë helm në ditë. Ministria e Bujqësisë të gjeje nje zgjidhje se ne s’po bëjmë dot gjë. Deri tani nuk ka ardhur asnjë, kemi ngritur zërin.
Unë me pompë nuk e bëj, sperkas ditë e natë. Ngordhin dhe vijnë prap. Të shesim bagëtitë e të rrimë në diell. Kemi njoftuar po nuk vjen njëri . Kemi njoftuar bashkinë Divjakë. Kudo që shkelim vetëm karkaleca”- janë shprehur ata për mediat.
Dëmet më të mëdha janë bërë në siperfaqet e mbjella me foragjerë dhe sharqinj. Fermerët kane shpenzuar para për të blerë helme kundër karkalecit, por nuk kanë dhënë efektin e duhur.
Për shkak të karkalecave, prodhimi i këtij viti u demtua i gjithë. Në keto kushte fermerët e zonës kërkojnë ndërhyrjen nga Ministria e Bujqësisë për luftimin me preparatet e duhura kundër këtyre kolonive.
