Eddie Johnson, komandant i policisë së Çikagos, ka kërkuar nga policia që ta hetojnë atë pasi u kap duke fjetur në makinën zyrtare. Kryetarja e Çikagos, Lori Lightfoot, e akuzoi komandantin se atë e zuri gjumi pasi ishte i dehur.
Zyrtari 59 vjeç bëri thirrje për zhvillimin e hetimeve të brendshme pasi një kalimtar i rastit e pa atë duke fjetur afër një shenje të komunikacionit për ndalim të detyrueshëm. Komandanti tha se u ndje i përgjumuer teksa ishte duke i dhënë makinës dhe e ndaloi atë anash rrugës.
Anthony Guglielmi, zëdhënës i policisë, tha se komandanti i ka ndërruar ilaçet këtë javë dhe së fundi ka pasur probleme me shëndetin pasi ndihej shumë i lodhur.
Sidoqoftë, kryetarja e Çikagos tha të premten për gazetën “Chicago Sun-Times” se komandanti i ka thënë asaj që ka pirë alkool.
Ajo shtoi se nuk ka arsye për të dyshuar në rrëfimin e komandantit dhe se është e vetëdijshme për problemet shëndetësore të tij.
Zëdhënësi i policisë tha se Johnson ka kërkuar hetime kundër vetes, sepse beson që zyrtarët e lartë policorë duhet të kenë standarde të larta të sjelljes, shkruan “Fox Neës”.
Discussion about this post