Kombëtarja Shqiptare ka anuluar stërvitjen e së dielës në stadiumin “Loro Boriçi” për ndeshjen e saj kundër Italisë që do të luhey ditën e hënë.
Ky vendim është marrë për shkak se fusha ishte e papërshtatshme si pasojë e reshjeve të shiut ditën e djeshme.
Lajmi është konfirmuar edhe nga zyra e shtypit pranë FSHF-së. Stërvitja do të zhvillohet nesër në Tropikal Resort në Durrës.
Shqipëria në ndeshjen ndaj Italisë vjen pas humbjes që pësoi në Spanjë ku u mund me rezultatin 3-0. Kuqezinjtë do të provojnë të marrin një rezultat pozitiv ndaj italianëve të cilët nuk janë në formë të mirë për momentin. (B.H/Shuplaka)
