Nën masa të forta sigurie kombëtarja shqiptare ka mbërritur në Shkup dhe është akomoduar në një prej hoteleve të kryeqytetit maqedonas.
Në kanalin e saj zyrtar në “Youtube” FSHF ka publikuar edhe pamjet e rrugëtimit të ekipit tonë drejt Shkupit. Gjithashtu shihet dhe një prani e fortë policore maqedonase gjatë shoqërimit për në hotel. Kjo me qëllim shmangien e çdo lloj rreziku për lojtarët dhe stafin e kombëtares. Deri tani nuk ka ndodhur asnjë incident.
Madje për të shmangur ndonjë situatë të pakëndshme deri ditën e ndeshjes nuk do të ketë dalje dhe shëtitje, siç ndodh zakonisht.
Nesër në mëngjes ata do të nisen drejt Strumicës dhe do të akomodohen atje, ndërsa pasdite do të kryejnë edhe një seancë stërvitore, ndërsa pasnesër është ndeshja, në orën 20:45.
Ndaj Maqedonisë Shqipëria do të mjaftohej edhe me një barazim për të ruajtur vendin e tretë në grup, megjithatë synimi janë tre pikët, siç kanë deklaruar dhe vetë lojtarët. (B.H/Shuplaka)
Discussion about this post