Kombëtarja U21/ Shqipëria merr fitoren e parë, ndeshje e madhe në Islandë (VIDEO)

Kombëtarja U-21 e Shqipërisë ka arritur një fitore të madhe në Islandë edhe pse me vështirësi, ndeshje e vlefshme për eliminatoret e Europianit U-21.

Përfaqësuesja jonë ka fituar me rezultatin 2-3 ndaj islandezëve edhe pse vendasit shënuan të parët në minutën e 45-të të pjesës së parë, por vetëm një minutë më pas, në shtesë, kuqezinjtë barazuan shifrat në 1-1 me gol të Abazajt.

Kristal Abazaj, u tregua deçiziv edhe ne pjesën e dytë kur në minutën e 65-të shënoi golin e dytë për Shqipërinë dhe të dytin personal. Nuk do të kalonte shumë para se Einarsson të kthente baraspeshën për vendasit që gjithsesi për këtë sfidë nuk ishte e thënë të mbyllej barazim. Durmishaj në të 75-ën do të realizonte golin e tretë për Shqipërinë duke i dhuruar 3 pikët në këtë ndeshje mjaft spektakolare.

Ky është takimi i parë i fituar në Grupin e 2 pas Barazimit 0-0 me Estoninë dhe humbjes 1-0 kundër Irlandës së Veriut. (B.H/Shuplaka)