Komisioneri për Zgjerim i Bashkimit Evropian Johanes Hahn deklaroi ditën e sotme në punimet e Parlamentit Evropian se do të rekomandojë hapjen e negociatave të anëtarësimit të Shqipërisë dhe Maqedonisë në muajin maj.
Komisioneri Hahn u shpreh se ky rajon ka bërë progres, duke theksuar se do pranohet një anëtar vetëm nëse ai vend përmbush kushtet.
“Vizioni ynë është të krijojmë një nivel pasurie që të mbushim boshllëqet sepse ky është problem. Në Ballkanin Perëndimor kemi bërë progres të madh. Në përgjithësi ka më shumë progres, në ekonomi apo në zbatimin e ligjit. Një shembull tjetër i mirë bazuar në strategjinë tonë për Ballkanin Perëndimor. Do pranojmë një anëtar vetëm nëse ky anëtar i ka zgjidhur të gjitha konfliktet bilaterale”, tha Hahn.
Më tej komisioneri Johanes Hahn u shpreh se në fund të majit do nxierret një raport për çdo vend të rajonit, përfshirë edhe Turqinë.
Hahn sqaroi se pavarësisht rekomandimit të tij për çeljen e negociatave nevojitet aprovimi i çdo vendi anëtar në Bashkimin Evropian, sipas tij duhet pëlqim unanim nga të gjitha vendet, në rast se plotësohen kushtet BE-ja do të veprojë pozitivisht.
“Në fund të majit do nxjerrim raportin për çdo vend në rajon, përfshirë edhe Turqinë. Pres që në bazë të asaj çfarë kemi parë të japim rekomandim për Shqipërinë dhe Maqedoninë Veriore. Megjithatë duhet aprovimi i çdo vendi anëtar në BE, duhet pëlqim unanim nga të gjitha vendet. Nëse protësohen kushtet, duhet te veprojmë pozitivisht”-deklaroi komisioneri Hahn.
Discussion about this post