Ish-kryeprokurori Adriatik Llalla nuk do t’i nënshtrohet procesit të Vettingut.
Vetëm pak ditë pas kërkesës së dorëzuar në presidencë ku kërkonte të mos emërohej gjyqtar i apelit dhe në të njëjtën kohë mos i nënshtrrohej procesit të vetingut, anëtarët e Komisonit të Pavarur të Kualifikimit vendosën të ndërpresin procesin e rivlertësimit për ish-kreun e akuzës.
Paraditen e së premtes, përmes një njoftimi për shtyp Komisioni i Pavaruar i Kualifikimit bën me dije se, trupa gjykuese e përbërë nga Roland Ilia, Pamela Qirko dhe Olsi Komici pasi morën dijeni për dorëheqjen e Adritik Llallës më datë 12 shkurt vendosi ndërprerjen e procesit të vetingut.
Por ky nuk është një vendim përfundimtar.
E pyetur nga Fax News, zëvëndës komisionerja Aldona Sylaj shpjegon se pas vendimit te treshes që vendosin të “përjashtojnë” Llallën nga Vettingu, Komisioneri publik mund ta apelojë kete vendim ne Kolegjine Apelit.
Ky apelim bëhet ose me iniciativë të tij duke patur parasysh interesin publik ose me rekomandimin apo këshillimin e ONM-së.
Në rast se Kolegji i Apelit pranon kërkesën e komisionerit publik që Llalla mos i nënshtrohet vettingut atëherë ai përfundimisht largohet nga sistemi i drejtësisë, në të kundërt Llalla do ti nështrohet filtrave të Vettingut.
Momentalisht Adriatik Llalla është jashte struktures së sistemit të drejtësisë pasi nuk ushtron asnjë detyrë, qysh prej dhjetorit te kaluar kur postin e tij e zuri Arta Marku.
Ndërkohë Departamenti Amerikan i Shtetit deklaroi se ishte ndaluar hyrja në Shtetet e Bashkuara të Amerikës për ish-kryeprokurorin e përgjithshëm dhe familjen e tij.
Ka qenë sekretari amerikan i shtetit Rex Tillerson teksa u shpreh se Departamenti Amerikan i Shtetit e miratoi masën e ndalimit për të hyrë në Shba Llalla dhe familja e tij, për shkak të informacioneve të përfshirjes së ish-zyrtarit të lartë shqiptar në raste të mëdha të korrupsionit.
Më herët ish-kryeprokurori Llalla është sulmuar ashpër edhe nga ambasadori amerikan në Tiranë Donald Lu, se nuk ka hetuar asnjë zyrtar të lartë për korrupsion.
(M.Q/Faxweb)
