Komisionet hetimore parlamentare nuk janë një histori suksesi në Shqipëri. Kjo jo vetëm që nuk ka dhënë asnjë rezultat konkret, por edhe kanë kushtuar jo pak.
Sipas Top Channel, një anëtar i komisoneve hetimore parlamentare paguhet me 2.000 lekë për çdo seancë, ndërsa kryetari me 2.500 lekë. Gjatë legjislaturës aktuale të Kuvendit janë ngritur deri më tani 8 komisione hetimore, të cilët kanë pasur nga 4 deri në 13 anëtarë secili.
Me një përllogaritje të thjeshtë mbi numrin e anëtarëve dhe seancat e zhvilluara, rezulton se për këto komisione, taksapaguesit shqiptarë kanë shpenzuar plot 11.6 milionë lekë, vetëm si pagesa të anëtarëve për pjesëmarrje në seanca. Këtu nuk janë llogaritur ekspertët e jashtëm, pagesa e të cilëve varion në varësi të detyrës që marrin.
Komisioni për privatizmin e OSSH-së me 2.2 milionë lekë, është i vetmi që deri tani po prodhon lajm dhe debat. Kaq i ka shpenzimet dhe komisioni paralel i CEZ-it, i drejtuar nga opozita.
Por ka një pikë, ku të gjithë mazhoranca dhe opozita bien dakord, momenti kur firmosin fletët për pagesat shtesë. (A.R/SHUPLAKA)
