Komisionet e përhershme parlamentare kanë nisur konstituimin ditën e sotme.Të paktën disa prej tyre, ai i Jashtëm, i Ligjeve dhe i Ekonomisë kanë nisur nga puna duke miratuar kalendarin e punimeve nga data 18 shtator deri në 13 tetor. Por si janë vendosur deputetët nëpër këto komisione?
Komisioni i Ekonomisë
Kryetar i këtij komisioni do të jetë deputeti socialist Erjon Braçe, zv.kryetare do të jetë deputetja e PD-së Jorida Tabaku dhe sekretar vjen sërish një tjetër eksponent nga PS, Anastas Angjeli.
Komisioni i Sigurisë
Komisioni i Sigurisë, do të ketë si kryetare deputeten e PS-së Ermonela Felaj e cila mandatin e kaluar ishte ministre për Marrëdhëniet me Parlamentin.
Ndërkohë deputeti i PArtisë Demokratike, Flamur Noka është zv/kryetar dhe deputetin socialist Pjerin Ndreu, është vendosur sekretar.
Komisioni i Veprimtarisë Prodhuese
Ky komision do të ketë kryetar deputetin socialist Eduard Shalsi, zv.kryetar deputetin demokrat Florjon Mima dhe sekretar deputetin e PS-së Besnik Bare.
Komisioni i Shëndetësisë
Në këtë komision, kryetar është zgjedhur kreun i grupit parlamentar të LSI-së, Petrit Vasili.
Zv.kryetare është deputetja socialiste Elisa Spiropali dhe sekretare sërish një tjetër deputete e PS-së, Klodiana Spahiu.
Komisioni i Ligjeve
Komisioni i ligjeve do të ketë kryetar deputetin socialist Ulsi Manja, zv.kryetar deputetin demokrat Eduard Halimi dhe sekretare deputeten socialiste Klotilda Ferhati.
Komisioni i Integrimit
Në këtë komision kryetar është zgjedhur deputeti demokrat Genc Pollo, zv.kryetar Bledi Çuçi dhe sekretar deputeti Fatmir Velaj.
Komisioni i Jashtëm
Kryetare e këtij komisioni është zgjedhur ish-ministrja e Mbrojtjes Mimi Kodheli, zv/kryetare është deputetja e LSI-së, Klajda Gjosha dhe sekretare deputetja socialiste Elona Gjebrea.
Komisioni i Medias
Kryetare e këtij komisioni është deputetja e PD-së, Albana Vokshi, zv.kryetare deputetja socialiste Milva Ekonomi dhe sekretar deputeti i PS-së, Fidel Ylli. (D.D/Shuplaka)
[ngg_images source=”galleries” container_ids=”2802″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
