Kryetari i PD-së, Lulzim Basha, ka dalë në një konferencë për mediat nga selia blu, ku ka folur për punën e komisionit hetimor të ngritur për çështjen e ish-ministrit të Brendshëm, Saimir Tahiri.
Pas takimit me anëtarët e këtij komisioni, Basha tha se ky komision i ngritur nga opozita do të hetojë pse policia e Shtetit nuk veproi për të parandaluar kanabizimin e vendit.
“Do hetojmë pse kupola politike u kthye në organizatë kriminale. Vendi u mbulua me drogë, asnjë institucion nuk reagoi.”-tha Basha.
Lidhur me arrestimin e kryebashkiakut të Lezhës, Fan Frrokaj, Basha u distancua qartazi kur tha se para ligjit të gjithë janë të barabartë.
“Prokuroria të bëjë punën e saj në mënyrë të paanshme. Urojmë që Frrokaj të jetë i pafajshëm. Të gjithë duhet të jemi të barabartë. Hetimi për Fan Frrokajn duhet të jetë transparent”, shtoi më tej kryetari i PD-së.
(F.G/Faxweb.al)
Discussion about this post