Komisioneri Europian, Janez Lenarčič në një deklaratë të përbashkët me Kryeministrin Edi Rama nga Vora, pasi u ka shprehur ngushëllimet e tij për familjet që kanë humbur të dashurit e tyre dhe të tjerëve që kanë humbur pronën ka premtuar ndihmën e BE-së për shqiptarët në fazën e tretë të ‘post-tërmetit’
“Ju shqiptarët nuk jeni vetëm, më parë më lejoni të shpreh ngushëllimet e mia për ata që humbën të dashurit e tyre, edhe dhembsurinë tonë tuaj për ju që keni humbur të gjithë ndërtesat ku jetonit.
Në fakt BE reagoi në mënyrë të menjëhershme, erdhi që të martën e shkuar pas kërkesës zyrtare të qeverisë. Asistenca dhe nëpërmjet e ekipeve të kërkim shpëtimit ishte faza e parë, tashmë jemi në fazën e dytë të vlerësimit të dëmeve, në të tretën dhe më pas do të merremi me atë të rindërtimit.
Më lejoni që tju siguroj që BE të jetë në krah jush, për arsye se Shqipëria është pjesë e Evropës.
Ashtu sic e tha dhe dje presidentja e KE-së, Ursula von der Leyen ka dhënë një shifër prej 15 milionë eurosh ti vijnë në ndihmë Shjqipërisë pas vlerësimit të dëmeve nga kjo fatkeqësi natyrore‘, u shpreh Lenarčič.
E menjëhershme ka qenë ndërhyrja e kryeministrit Rama i cili ka sqaruar se ky është vetëm një fond i parë i garantuar me shpejtësi maksimale për një fazë paraprake nga BE dhe se: ‘Nuk është fondi i përgjithshëm që u nxitua të përkufizohej.
Presidentja është angazhuar me ne për të pasur një raport të detajuar pas post katastrofës dhe në bazë të këtij raporti do të vihet në punë mekanizmi i ndihmës nga BE“.
Discussion about this post