Në Komitetin drejtues të LSI-së për qytetin e Tiranës, kreu i Kuvendit Ilir Meta bën thirrje që zgjedhjet e 18 qershorit, mos të bëhen shkak i humbjes së fokusit nga zbatimi i Ligjit të Vettingut.
“Ndërkohë që pregatitjet për zgjedhjet, si organizative dhe programore nuk duhet të na shpërqendrojnë në fokusin tonë për reformat më të nevojshme që ka vendi, siç është vazhdimi në formë transparente i procesit të Vettingut, i rëndësishëm edhe për klimën politike. E vëmë re që nuk mungojnë përpjekjet për të tensionuar situatën parazgjedhore.”, tha Meta.
FJALA E METËS:
Në një moment të rëndësishëm në prag edhe të zgjedhjeve që po ofrojnë, javën e ardhshme, organizohen komisionet pranë LSI-së sipas fushave , ku i ftoj të gjithë që kanë dëshirë dhe pasion të kontribojnë, të bëhen pjesë e këtyre debateve, për zhvillimin e vendit.
Ndërkohë që pregatitjet, si organizative dhe programore nuk duhet të na shpërqendrojnë në fokusin tonë për reformat më të nevojshme që ka vendi, siç është vazhdimi në formë transparente i procesit të Vettingut, i rëndësishëm edhe për klimën politike, E vëmë re që nuk mungojnë përpjekjet për të tensionuar situatën parazgjedhore.
Vazhdimi i pandalshëm i procesit të dekriminalizimit po ashtu, i cili është një proces i pandalshëm dhe i detyrueshëm. Shpreh angazhimin tonë në përpjekjet për të gjeneruar një klimë sa më konstruktike për të ardhmen e vendit dhe integrimin në BE, vendosmëri për të krijuar standartet më të larta.
Jam i bindur që dega e Tiranës do të jentë në krye të rezultatit jo vetëm në zgjedhjet e 18 qershorit por edhe në tërësi të Lëvizjes Socialiste për Integrim. (D.D/Shuplaka)
Discussion about this post