Komiteti Drejtues Kombëtar i LSI-së, Meta: Të përfundohet sa më shpejt Reforma Zgjedhore

Lëvizja Socialiste për Integrim mblodhi pasditen e sotme Komitetin Drejtues Kombëtar të saj, ku në mbyllje të saj, në një prononcim për mediat, kreu i saj Ilir Meta foli edhe për zgjedhjet e 18 qershorit 2017.

Sipas kryeparlamentarit, është shumë e rëndësishme përfundimi sa më i shpejtë i Reformës Zgjedhore.

Kryetari i Lëvizjes Socialiste për Integrim, zoti Ilir Meta, nënvizoi “rëndësinë e përfundimit sa më të shpejtë të reformës zgjedhore në vend dhe plotësimin e të gjithë rekomandimeve të OSBE-ODIHR në mënyrë që zgjedhjet më 18 qershor të jene një kontribut i çmuar për forcimin e institucioneve demokratike, për besimin tek vota e lirë dhe për demokracinë në vend. Dhe njëkohësisht të ndihmojmë në përshpejtimin e integrimit dhe anëtarësimit të vendit në Bashkimin Evropian, u shpreh ai.