Që prej mesnatës së mbrëmshme kompania ajrore “Adria Airëays” ka lajmëruar ndërprejen e përkohshme të fluturimeve me argumentin se kjo vjen si pasojë e pasigurisë aktuale për të siguruar të ardhura, që kompania ajrore ka nevojë për të vijuar operimin e mëtejshëm.
Ndërkohë kompania njofton se nga ana tjetër është duke kërkuar për një zgjidhje në bashkëpunim edhe me investitorë të mundshëm.
“Adria Airways njofton se, që prej orës 23:30 (LT), të datës 23 shtator 2019, do të ndërpres përkohësisht të gjitha fluturimet (e martë, 24 shtator dhe e mërkurë, 25 shtator) në të gjitha bazat e saj (Lubjanë, Prishtinë, Tiranë). Vendimi për të ndaluar përkohësisht fluturimet, vjen si pasojë e pasigurisë aktuale për të siguruar të ardhura, që kompania ajrore ka nevojë për të vijuar operimin e mëtejshën të fluturimeve. Në këtë pikë, kompania është duke kërkuar intensivisht zgjidhje, në bashkëpunim me investitorë të mundshëm. Qëllimi jonë i përbashkët është që “Adria Airways” të fluturojë përsëri dhe që ndërprerja e operimeve është me të vërtetë e përkohshme.”, shkruhet në njoftimin e kompanisë.
Sa ju përket biletave që mund të kenë blerë klientët me emrin e “Adria Airëays”, ftohen të kontaktojnë zyrat e shitjeve për të shqyrtuar udhëtimet e tyre si dhe kompensimin e çmimit të biletave.
(F.GJ/FAXWEB.AL)
Discussion about this post