“Adria Airways” ka bërë kërkesë zyrtare për falimentim. Kompania sllovene e fluturimeve, i ka dhënë fund 58 viteve të shërbimit. Në deklaratën zyrtarë të kompanisë thuhet se sot është dorëzuar zyrtarisht edhe dokumentacioni për procedurat e falimentimit.
Po ashtu bëhet e ditur se Gjykata brenda tre ditëve do të vendosë për hapjen e procedurave të falimentimit.
“Të hënën, më 30 shtator 2019, Adria Airways dorëzoi dokumentacionin për procedurat e falimentimit të kompanisë në Gjykatën e Rrethit Kranj. Procedurat e falimentimit u iniciuan nga administrata e kompanisë dhe bazuar në Operacionet Financiare Sllovene, Procedurat e Falimentimit dhe Aktin e Mbylljes së Detyrueshme (ZFPPIPP) i cili detyron menaxhimin e një kompanie në pozicionin e Adria Airëays të paraqesë procedurat e falimentimit të kompanisë. Gjykata ka një periudhë ligjore tre-ditore brenda së cilës do të vendosë për hapjen e procedurave të falimentimit. Kompania njofton se do të anulojë të gjitha fluturimet e planifikuara për shkak të fillimit të procedurave të falimentimit “, thuhet në njoftimin e kompanisë “Adria Airways”.
Gjatë javës së kaluar, Adria ka anuluar më shumë se 400 fluturime që prekin mbi 15,000 pasagjerë.
Ministri Slloven për Zhvillim Ekonomik dhe Teknologji tha që qeveria po konsideron krijimin e një kompanie të re kombëtare për të përmirësuar lidhjen ndërkombëtare të Sllovenisë pas rënies së “Adria”. Sidoqoftë, ai vuri në dukje se ky proces do të marrë ca kohë.
Discussion about this post