Kompanitë shtetërore të energjisë paguajnë 11% të totalit të tatim-fitimit, duke ”shpëtuar” buxhetin e shtetit. OSHEE, OST dhe KESH kanë ndikuar në këtë mënyrë, sipas ”Monitor” në përmirësimin e të ardhurave të shtetit.
Sipas treguesve financiare të kompanive për 11 mujorin shihet se tatimi mbi fitimin që ato kanë derdhur në arkën e shtetit kanë zënë 11% të totalit të arkëtimeve nga ky tatim në 11 mujor.
Gjithashtu këto kompani kanë derdhur në buxhet 4.4% të krejt arkëtimeve të TVSH dhe 0.2 për qind të taksave lokale.
Sipas të dhënave fiskale, shihet se për periudhën 10-mujore, janar-tetor, të ardhurat kanë shënuar një deficit me 4 miliardë lekë në krahasim me planin e periudhës, ndërsa në krahasim me një vit më parë, është mbajtur ritmi i rritjes me 7%, ndonëse rritja është frenuar ndjeshëm në muajt e fundit në krahasim me fillimin e vitit.
Nga të gjitha tatimet vetëm Tatimi mbi Fitimin ka shënuar ecuri të mirë me rreth 4 miliardë lekë nxitur nga performanca e mirë e kompanive të energjetikës. Vetëm OSHEE për nëntëmujorin ka paguar mbi 1.3 miliardë lekë tatim-fitim.
Duke përfshirë edhe fitimin prej 33.5 milionë eurosh të Operatorit të Sistemit të Shpërndarjes, korporatat e mëdha shtetërore të energjisë OST, KESH dhe OSSHE akumuluan një fitim neto në fund të 6-mujorit të parë prej 46.8 milionë eurosh.(V.G/SHUPLAKA)
