Agjencia e Legalizimit, Urbanizimit dhe Integrimit të Zonave/ Ndërtimeve Informale (ALUIZNI) ka publikuar një listë me 905 pronarët që u është zënë toka nga ndërtimet pa leje , por që më së fundi do të kompensohen.
Shuma që do të shpërndahet është në total 848 milionë lekësh, bën me dije “GSH”, ndërsa përfituesit janë nga qarqe të ndryshme, si nga ai i Tiranës, Elbasanit, Durrësit, Vlorës, Lezhës, dhe Shkodrës.
Mësohet se toka e zënë dhe që do të kompensohet në vlerë monetare përbën një sipërfaqe prej 50 627,1 m2.
Fillimisht, Agjencia e Trajtimit të Pronave (ATP) do të celë procedurat për plotësimin e formularit dhe dorëzimin e dokumenteve që përfituesit do të kryejnë. Më pas, do të vijohet me shpërndarjen e parave
Bëhet e ditur se kostoja e aplikimit është 2 mijë lekë, ndërsa afati i shqyrtimit të kërkesës është 90 ditë. Brenda 60 ditëve nga data e paraqitjes së kërkesës për kompensimin e pronës, grupi i punës kryen verifikimet e duhura. Ndërsa brenda 30 ditëve të tjera, (nga data e përfundimit të procesit të verifikimit nga grupi i punës), drejtori i Përgjithshëm i ATP-së, nxjerr vendimin me emrat e subjekteve që përfitojnë nga kompensimi dhe urdhëron publikimin e listës së subjekteve që kompensohen. Kryhet edhe njoftimi i aplikantëve që nuk përfshihen duke përcaktuar arsyet e këtij vendimi.
Lisat me përfituesit i gjeni në galerinë e mëposhtme:
[ngg_images source=”galleries” container_ids=”162″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post