Kryeministri Edi Rama ka publikuar “Komunikimin Javor” me qytetarët në Facebook.
Kreu i qeverisë flet për motin e keq që përfshihu Shqipërinë dhe pasojat që la pas.
Rama ka deklaruar se kjo situatë në të cilën u gjend vendi pas një periudhe shumë të gjatë, e ka gjetur paksa të papërgatitur qeverinë, por që me shumë punë kanë arritur t’ia dalin mbanë.
Mësimet e këtij viti, sipas Ramës do të ndihmojnë në një përgatitje shumë më të plotë të pushtetit vendor.
Sipas tij, prej 5 dekadash nuk është ndërhyrë në rrjetin energjitik të vendit.
Duke bërë të ditur se nesër rinis shkolla pas mbylljes për shkak të epidemisë së gripit, Rama tha se do të nisë një program masiv për rindërtimin e shkollave.
“Qeveria po përgatit një program masiv investimesh në infrastrukturën shkollore, krahas asaj rrugore dhe shëndetësore. Falë këtij programi 1 miliard dollarë, do t’i shtohen volumit vjetor të investimeve publike për tre vitet e ardhshme”, tha Rama. (A.R/SHUPLAKA)
Discussion about this post