Në komunikimin e javës në Facebook, ish-kryeministri Edi Rama u shpreh se vetëm gjatë vitit të kaluar kemi shënuar një rritje ekonomike prej 3.4 përqind.
Rama i referohet shifrave të publikuara nga Fondi Monetar Ndërkombëtare (FMN) dhe thotë se kjo rritje ekonomike është si nata me ditën në krahasim me rritjen ekonomike të tre viteve të shkuara.
“Ekonomia shqiptare është në rrugën e financave solide. Reformat e qeverisë janë me rëndësi jetike për rritjen e besimit.Nga një rritje ekonomike nga 0-1 përqind të viteve të shkuara, kemi shkuar në një rritje ekonomike prej 3.4 përqind, gjithmonë sipas FMN-së.
Të dhënat tregojnë se buxheti i 2016-ës ka arritur një balancë pozitive, duke mos rritur borxhin e shtetit, çka ndodh për herë të parë në 20 vjet.
Rritje taksash nuk ka dhe nuk do të ketë. Kush fiton më pak do të vazhdojë të paguajë më pak dhe kush fiton më shumë do të vazhdojë të paguajë më shumë.”, shprehet kryeministri.
Më pas ai shton se pavarësisht se kjo rritje ekonomike është si dita me natën në krahasim me tre vitet e qeverisjes së kaluar, sërish nuk mjafton.
“Jam i ndërgjegjshëm se rritja ekonomike prej 3.4% pavarësisht se është si dita me natën me rritjen ekonomike të tre viteve të shkuara, nuk mjafton për të rritur ndjeshëm ekonominë familjare. Prandaj paralelisht me luftën kundër informalitetit që gjatë këtij viti do të thelloshet shumë fuqishëm do nisim programin 1 milion dollar për ndërtim. Do fusim një volum kapitalesh private për të përmirësuar më shpejt infrastrukturën.”, shprehet Rama. (D.D/Shuplaka)
Discussion about this post