Komuniteti rom në Kukës jeton në kushte mjaft të vështira duke mos garantuar as kriteret minimale për jetes.
Për shkak të gjendjes ekstreme të varfërisë rreth 150 fëmijë të tyre janë të privuar për shkollim.
Prindërit e këtij komuniteti shprehen se ambientet ku jetojnë nuk plotësojnë nevojat për shkollimin e fëmijëve.
E dhimbshme është drama tek fëmijët e këtoj komuniteti.
Dëshira e tyre është të arsimohen, por edhe pse i përkasin grupmoshave 7-8 vjeç e deri 13-14 vjeç ata asnjë ditë të vetme nuk janë ulur në bankat e shkollës së bashku me bashkëmoshatarët e tyre.
Fëmijët nuk janë të aftë të shkruajnë apo lexojnë, duke ngelur analfabet për shkak të kushteve ekstreme ekonomike ku jetojnë.
Prindërit apelojnë tek institucionet dhe organizatat për ndihmë financiare por edhe ushqimore. Ambientet ku jetojnë nuk plotësojnë asnjë kriter për banim. Mungon uji i pijshëm, energjia elektrike apo mjediset e tualeteve.
Në Kukës jetojnë afro 30 familje të komuniteti rom. Jetesa e tyre organizohet duke lypur lëmoshë apo duke mbledhur hekurishte dhe kanaçe.
