“Udhëtojmë së bashku në kohë”, kështu e ka quajtur Capital T koncertin që do të mbajë në 19 shtator në sheshin Nënë Tereza në Tiranë.
I cilësuar si koncerti më madhështor i organizuae ndonjëherë në Kosovë e Shqipëri bashkë, Capital T sëbashku me bashkëpuntorët e tij në këtë event gjigand, kanë dalë në një konferencë për mediet, ku kanë rrëfyer detajet mbi koncertin.
Në këtë konferencë për shtyp, janë dhënë edhe disa nga detajet e koncertit.
Detaji i veçantë në “Time Capsule” do të jenë byzylykët në dorë me drita shumëngjyrëshe. Byzylykët do të lëshojnë drita me ngjyra të ndryshme dhe do të lidhen me një panel, duke marrë pjesë në performancë teksa koordinohen me skenën ku do të qëndrojë këngëtari. Ky është një detaj që do ta bëjë koncertin super të veçantë, ku publiku do të përfshihet për herë të parë 100&%.
“Kjo do të jetë një nga datat më të veçanta për mua”– është shprehur reperi, ndërkohë që ka ndërprere menaxherja e projektit e cila është shprehur:“Ishte data më seksi 19.09.2019”.
Mes të qeshurash, Capital T ka premtuar se koncerti i tij do të jetë një datë që do të mbahet mend gjatë.
