Koncerti i 2 Janarit në Tiranë vijon të jetë lajmi i ditës në Shqipëri. Pas reagimeve të artistëve dhe politikanëve, së fundmi ka reaguar edhe djali i ish-kryeministrit Sali Berisha, Shkëlzen Berisha.
Përmes një postimi në Facebook, Berisha ironizon me kryeministrin Edi Rama duke u shprehur se ” ai do të marrë rolin e dirigjentit të orkestrës”.
“Mësohet që gjatë koncertit dirigjenti Dudamel dhe kryeministri Rama do të ndërrojnë shkopat. Rama do marrë shkopin e dirigjentit dhe do vazhdojë drejtimin e orkestrës, ndersa Maestro Dudamel do marrë shkopin e piktorit dhe do përfundojë një pikturë të lënë në mes nga Rama”, shkruan ndër të tjera Shkëlzen Berisha.
Pak më parë “Shuplaka” zbuloi dy detaje nga Koncerti i Tiranës, ku konfirmohet ardhja e violonistit shqiptar me famë botërore, Shkëlzen Doli dhe 4 artistëve të tjerë shqiptarë. (A.R/SHUPLAKA)
