Një ditë pas koncertit të madh që mbahet çdo fillimviti në kryeqytetin austriak, Koncerti i Vjenës do të mbërrijë për herë të parë edhe në Tiranë më 2 janar 2017.
Ky lajm është bërë i ditur nga kryeministri Edi Rama, i cili shkruan kjo është një ëndërr e bërë realitet falë përpjekjeve të violinçelistit shqiptar, Shkëlzen Doli.
“Një ëndërr bëhet realitet. Falë një bashkëpunimi që kurorëzohet pas një përpjekjeje jo të vogël së bashku me Shkëlzen Dollin, në 2 janar vjen në Tiranë, të nesërmen e Vienës, një koncert i jashtëzakonshëm”, shkruan Rama.
Ky koncert do të mbahet mbrëmjen e 2 janarit në orën 20:00, në Pallatin e Kongreseve. Në videon e publikuar nga Kryeministri, njoftohet se shitja e biletave do të nisë më datë 15 dhjetor.
