Kryetari i Partisë Demokratike Lulzim Basha ka reaguar në rrjetin e tij social në Facebook në lidhje me Konferencën e Donatorëve të mbajtur sot në Bruksel.
Në këtë Konferencë Shqiperia arriti të sigurojë 1.15 miliardë euro, për rindërtimin pas tërmetit shkatërrimtar të 26 nëntorit.
Pasi ka shprehur mirënjohje për çdo vend dhe institucion ndërkombëtar Basha tha “se detyra kryesore tashmë është që këto para të shërbejnë vërtet për ndihmë ndaj njerëzve në nevojë”.
Basha thotë se “duhet të nisë menjëherë puna dhe fondet të përdoren me transparencë për të ndaluar abuzimin me to. Fondet të shërbejnë për nevojat e njerëzve dhe të përdoren me transparencë”.
Postimi i plotë:
Të gjitha donacionet ndërkombëtare për popullin shqiptar për dëmet e pas tërmetit të 26 nëntorit janë të bekuara dhe të mirëpritura.
Falenderime dhe mirënjohje për çdo vend, çdo organizatë dhe çdo institucion ndërkombëtar që i gjendet pranë qytetarëve shqiptarë në këtë moment të vështirë.
Detyra jonë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë.
Është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur keqpërdorimin dhe abuzimin me to.
R.G/FAXWEB.AL
Discussion about this post