Kryeministri Edi Rama zhvilloi sot konferencën e fundit për shtyp për vitin 2017, ku foli për sukseset e qeverisë që ai drejton dhe për planet e vitit të ardhshëm, ndaj dhe ka dashur një vëmendje sa më të madhe.
Portali Lapsi.al disponon tekstin e një mesazhi që u është dërguar nëpunësve, përfshi edhe në nivel drejtorësh, ku i kërkohet të shpërndajnë në rrjetet sociale konferencën për shtyp të Ramës.
Mesazhi u është dërguar nga njerëzit që punojnë në Zyrën e Shtypit në Kryeministri dhe Partinë Socialiste.
Teksti i plotë i sms-së:
“Goca dhe cuna, pershendetje te gjitheve! Sot eshte dita e parafundit e ketij viti kalendarik, POR per te gjithe ne eshte dita e pare e vitit te ri politik 2017!
Sepse sic e dini, ne oren 12.00 Kryeministri zhvillon LIVE ne facebook&twitter konferencen tradicionale te fundvitit, e ne te njejten kohe, edhe bashkebisedimin me gazetaret! Ndaj, te gjithe sebashku le ti bejme share ne menyre qe Mesazhi yne te ndiqet e percillet nga sa me shume njerez. Forca! Share, share, share. Suksese!” (A.R/SHUPLAKA)
