Ditën e sotme në kryeqytet, pritet të ketë një konferencë organizuar nga BE-ja lidhur me lirinë e mediave në vendin tonë.
Po për Endira Bushatin ish-kryetaren e AMA-s, të pranishëm veç Vlahutinit do të jenë dhe personazhe shqiptare që do të lektojnë, sipas preferencave të organizatorëve.
Po ashtu ajo ka shpërthyer në akuza duke thënë se akush nuk do të flasë sesi ajo u hoq nga posti i saj. Më tej ajo thotë se është e sigurt që në këtë konferencë nuk do të flitet në lidhje me akuzat dhe fyerjet që kryenministri iu bën gazetarëve.
STATUSI I ENDIRA BUSHATIT:
Nesër paska një konferencë për median në Tiranë….
E organizon BE…
Do të jepen leksionet e radhës…. sa e rëndësishme është media për demokracinë, pluralizmi i medias, pavarësia etj etj.
Dhe Vlahutin protagoniste…dhe personazhe shqiptare që do të lektojnë…sipas preferencave të organizatorëve….
Sigurisht, do të heshtet sesi iu ndërpre mandati i kryetares së AMAs që të emërohet në krye të institucionit një ish drejtor i Digitalbit…
Do të heshtet që edhe TCH+DGA morën 3 licenca kombëtare në kundërshtim me ligjin….
Do të heshtet edhe për Amendamentin e propozuar nga Balla për shfuqizimin e nenit 62 të ligjit të medias….
Do të heshtet, sigurisht, edhe që Sandri përfundoi me Gjykatën Kushtetuese, punën e nisur nga Balla për shfuqizimin e nenit 62….
Do të heshtet edhe për mbylljen arbitrare të Agon Channel, të vetmit televizion të pakapur nga Rama….
Do të heshtet për fenomenin “Sandër” e “Fevzi” si prokurorët, gjyqtarët e zëvendëskryeministrat e këtij vendi….
Po, po! Do të heshtet për të gjitha këto!
E pasi ka heshtur vetë 4 vjet, BE me burokratët e vet, vjen e bën një konferencë e na kërkon dhe llogari….
Se….të vërtetat nuk i themi, por Brukseli “vdes” për konferenca….
Sa për Ramën….ai mirë e ka: mediat që ia urdhëron me telefon këshilltari i tij, i quan “kazan” dhe me këtë gur vret 3-4 zogj….
Edhe kryeministër trendy, edhe kryeministër në luftë “demokratike” të perhershme me mediat, edhe dezinformon sikur nuk i ka nën kontroll…
Fjala e Ramës nesër, me siguri, do të jetë një piedestal për të Vërtetën……e tij!
(E.K/FAXWEB)
