Trajneri i Kombëtares Shqiptare të Futbollit, Giani De Biasi ka folur sot në një konferencë për shtyp, për ndeshjen e ardhshme kundër Izraelit. Për objektivat e tij për këtë ndeshje si dhe për lojtarët që nuk janë grumbulluar.
Për humbjen me Spanjën:
“Ka kaluar mjaftueshëm kohë dhe mund të themi se lojtarët e kanë marrë veten. Çdo gjë është rikuperuar. Në një diskutim që pata me një mik të trajnerit të Spanjës më tregoi se ai ka patur shumë frik për takimin me Shqipërinë. Duhet të kishim bërë një zgjedhje më të mirë në strategji përball Spanjës.”
Për ndeshjen me Izraelin:
“Tani kemi një kundërshtar të barabartë me ne. Dhe do të fokusohemi tek fitorja. Izraeli është ekip shumë i mirë, duhet të kemi kujdes. Është një skuadër e fortë dhe me lojtarë të mirë.”
“Lojtarët e kombëtares janë profesionit dhe janë të mësuar si me fitoret ashtu edhe me humbjet. Ajo që më shqetëson janë presionet e jashtme, pasi jemi kualifikuar në Evropian. Mendoj se tifozët duhet të mësohen edhe me humbjet. Evropiani ishte një mrekulli, shpresoj ta përsërisim sërish tani në botërorë.”
Lidhur me një deklaratën që De Biasi kishte bërë gjatë javën në mediat e huaja për ndeshjen me Italinë ai ka sqaruar se ajo që ka thënë është keqinterpretuar nga mediat e vendit.
“Kam thënë nëse zoti do, pra nëse do të jemi gjallë.”
Përsa i përket Gashit dhe mundësive të tij për tu rikthyer në kombëtare:
“Mbyllja e “derës” është një zgjedhje e momentit, gjithçka mund të ndryshojë. Pash edhe golin e djeshëm që kishte realizuar, ishte shumë i bukur. Gashi ka edhe problemin e distancës dhe kohës së ndryshme me ne, pasi luan në Amerikë. Në një moment tjetër më të mirë për të, ai do të grumbullohet”