Konferenca e paralajmëruar e kryeministrit Edi Rama, i cili bëri me dije katër ditë më parë se konferenca do të ishte live e do të ndiqej jo vetëm nga gazetarët, por dhe nga qytetarët në mediat online ka zgjatur rreth një orë, ndryshe nga çfarë Rama deklaroi në fillim ku premtoi se nuk do të zgjaste shumë.
Por çudia nuk qëndron këtu, fjalimet e stërzgjatura të Ramës nuk përbëjnë më lajm. Por që janë të lodhshme e bashkangjitur kësaj shumë shqiptarë nuk i besojnë, kjo është faktuar së fundmi në konferencën live ku nuk munguan batutat dhe situatat e shoqëruara me tension për shkak të pyetjeve që gazetarët drejtonin.
Në një moment të kapur nga “Qytetarët për Parkun”, vihet re se video ka marrë mbi 2 milionë like, 1200 share, 692 komente dhe vetëm 829 që e kanë ndjekur live gjatë një ore në të gjithë vendin e jo vetëm.
Ndër 692 komente renditen ato të qytetarëve të pakënaqur dhe ato të militantëve, por çudi përbëjnë 1200 shpërndarjet përkundër 829 shikimeve live. Duket se nën urdhrat e tij, Administrata Publike e ka shpërndarë 1200 herë.
Pavarësisht se “pushtoi” të gjitha kanalet e TV-së, vetëm 829 persona kanë pasur nerva ta shohin. (XH.A/SHUPLAKA)
Discussion about this post