Konfirmohet rasti i parë me koronavirus në Poliçan, i rrezikuar stafi mjekësor, kryebashkiaku i vendos në karantinë të gjithë

Është konfirmuar rasti i  parë në Bashkinë e Poliçanit. Burime bëjnë me dije për Faxweb.al se 79 vjeçari A.L. pas analizave rezulton pozitiv.

Menjëherë janë vënë në lëvizje i gjithë stafi mjekësor në ambulancën e Poliçanit dhe sipas burimeve të gjithë personat do ti nënshtrohen testit, për shkak se kanë pasur kontakt me të moshuarin.

Dyshohet që 79 vjeçari  e ka marrë këtë virus nga fëmijët e tij  që kanë ardhur nga emigrimi, djali nga Greqia dhe vajza nga Italia.

I gjith qyteti sipas kryetarit të Bashkisë do kalojë në karantinë 6 ditë, pasi mund të rrezikohet e gjithë popullata, një pjesë e konsiderueshme e të cilës vuan nga problemet e frymëmarrjes, për shkak të Uzinave që ndodhen në këtë qytet.

(E.K/Faxweb.al)