Ministria e Shëndetësisë, njoftoi mesnatën e djeshme, se dy persona kanë rezultuar pozitiv me koronavirus. Ata janë babë e bir dhe kanë udhëtuar nga Italia ditët e fundit.
Ndërsa mësohet se një tjetër shqiptar, i cili jeton në Itali, është i prekur nga virusi. Sipas oranews, ai është nga Kuçova, banues në Codogna, 43 vjeç, Itali.
Shqiptari është i shtruar në spital e të afërmit thonë se e ka kaluar virusin, por vazhdon të qëndrojë në spital.
Ata nuk japin shumë detaje për shkak të ruajtjes së privatësisë, por thonë që ai tani është në gjendje të mirë shëndetesore.
Gazetarja Alba Kepi shprehet se ishte e paevitueshme duke marrë parasysh se shumë shqiptarë jetojnë në Itali. Situata në vendin fqinj është e vërtetë shqetësuese, pasi ka hyrë në fuqi dekreti i firmosur nga kryeministri Conte.
Kujtojmë se numri i viktimave në Itali është 366.
