Një i moshuar nga Gramshi, ka përfunduar në Spitalin e Traumës në Tiranë, pasi u përfshi në një konflikt mes tre personave në fshatin Grabovë e Sipërme në Gramsh.
Mësohet se gjatë sherrit, 39-vjeçari Apostol Paço, ka goditur me sende të forta të moshuarin S. B. 63 vjeç, i cili është dërguar për ndihmë të specializuar në Spitalin e Traumës në Tiranë.
Policia vuri në pranga 39-vjeçarin, të cilit iu gjet dhe sekuestrua në cilësinë e provës materiale edhe një thikë. Ka nisur procedimi penal ndaj shtetasit DH.B, 26 vjeç pasi gjatë konfliktit dyshohet të ketë goditur me sende të forta shtetasin Apostol Paço.
Materialet i kaluan Prokurorisë së Rrethit Gjyqësor Elbasan për veprime të mëtejshme. (XH.A/SHUPLAKA)
Discussion about this post