Ditën e sotme ka nisur zhvendosja e 13 kafshëve të “Safari Park” në Fier. Anduel Xhalia, Drejtori i Drejtorisë së Mjedisit u shpreh se sot do të bëhet mbyllja e parkut, pasi ka kaluar çdo afat për dorëzimin e dokumentacionit. Xhalia tha se kafshët do të zhvendosen të gjitha sot. Ai shtoi se kërkohet ndërhyrje e menjëhershme, pasi nuk dihet në ç’gjendje janë kafshët.
Por avokati i subjektit ‘Safari Park’ në Fier, Elvis Sulejmani, thotë se nuk ka asnjë vendim gjykatë për marrjen e kafshëve. Sulejmani ka pohuar se janë plotësuar të gjitha kushtet dhe dokumentacionet për vazhdimin e aktivitetit dhe kafshët nuk mund të merren forcërisht.
“Afati për dorëzimin e dokumentacioneve mbaron të hënën në orën 16 dhe nuk ka vendim nga gjykata”- ka përfunduar avokati i subjektit privat.
(M.Q/Faxweb)
Discussion about this post