Zyrtarët në Ukrainën lindore thonë se numri i të vdekurve nga shpërthimi një miniere qymyri ka arritur në të paktën 17 persona.
Shpërthimi i metanit ndodhi të enjten në minierën e fshatit Yurivka, në pjesën e rajonit të Luhansk të kontrolluar nga luftëtarët separatistë.
Të premten, katër minatorë u konfirmuan të vdekur dhe 13 u regjistruan si të zhdukur. Ministria e emergjencave të rajonit tha se kërkimi përfundoi të shtunën pasi trupat e minatorëve të humbur u sollën mbi tokë.
Pjesë të rajonit të Luhanskut ku shpërthimi ndodhi është nën kontrollin e separatistëve të mbështetur nga Rusia të cilët kanë luftuar trupat qeveritare të Ukrainës që nga viti 2014. Konflikti e mbylli minierën atë vit por u rihap në vitin 2018.
