Kryeprokuri Adriatik Llalla, i ftuar në emisionin “Opinion” të gazetarit Blendi Fevziu, sqaron konfliktin e tij me ambasadorin Donald Lu, aq shumë të përfolur gjatë ditës së sotme.
“Në takim unë nuk isha i pranishëm, por më njoftuan se ambasadori Lu kishte bërë deklarata të tilla duke më akuzuar mua.
Kemi patur diskutime se si do të pozicionohet institucioni i Prokurorisë pas Reformës në Drejtësi. Të jemi të qartë se ambasadori nuk është një guvernator i Shqipërisë por është thjesht një ambasador dhe nuk mund të vijë këtu dhe të kontrollojë Shqipërinë. Prokuroria ka shfaqur mendimet e veta për mënyrënn se si do të organizohet ky institucion pas Reformës në Drejtësi. Në përgjithësi, në takimet që kam patur me ambasadorin, ne i kemi shfaqur mendimet tona për mënyrën se si do të organizohej institucioni.
Duhet të jemi të qartë çdo ambasador nuk është guvernator i Shqipërisë. Ai është thjesht një ambasador dhe duhet të mbajë pozicionin e tij. Ai nuk duhet të shtiret si drejtues shteti, por të mbajë pozicionin që i takon.
Debati i parë ka lidhje me byronë kombëtare të hetimit, për të cilën isha kundër.
Tipologjia e kohës së komunizmit, dhe ideatorë të krimit janë punonjës të policisë dhe shtetit të asaj kohe, janë ata që e kanë ideuar reformën. Ambasadorët kanë zgjedhur këto individë për të reformuar sistemin në Drejtësisë. Ish-funksionarë të sigurimit të shtetit kanë bërë reformën e drejtësisë.”, tha Llalla. (D.D/Shuplaka)
