Kryeministri Edi Rama gjatë mëngjesit me gazetarët në Velipojë ka theksuar se përsa i përket çështjes së radarëve pasi dje nga Policia e Shtetit u deklarua se kishin probleme ai tha se këto janë propaganda të turpshme. Rama theksoi se i gjithë territori është i spastruar nga “mortja” kanabis.
” Të gjitha këto janë propaganda dhe kjo është një propagandë e dukshme. Sot jemi në kushtet që territori është krejtësisht i pastruar nga kjo mortoje. Siç e konfirmojnë partnerët tanë, territori është i pastruar nga kjo ‘mortje” dhe kjo që ndodh në pikëpamje të transportit dhe lufta për ta ndaluar trafikuesit do të vazhdojë edhe një kohë të shkurtër dhe do të minimizohet. Kjo histori nuk do të përbëjë më asnjë lajm dhe asnjë aktualitet.”, u shpreh Rama.
Më tej Rama shtoi: Qëllimi i letrës nuk është të krijojë përplasje mes institucioneve, por të bëjnë luftë të përbashkët. Edhe BE, edhe Komisioni Europian janë të informuar në kohë reale për kanabisin, sepse kush ka hyrë në rol për të luajtur këtë film, duhet ta dijë se ky film mbaron këtë vit.
Sjellim në vëmendje që vetëm një ditë më parë Ministria e Mbrojtjes i deklaroi Policisë së Shtetit se radarët janë janë rregull, plotësisht funksionalë.
Zjarret në vend:
” Duhet të ndërgjegjësohet edhe popullsta në shtresa të caktuara dhe pastaj do të shikojnë si do të jetë rezultati. Shresoj që ata që janë ndaluar të marrin dënimet që meritojnë. Këtë vit ka patur shumë probleme , jo vetëm ne por Italia, Greqia me zjarret. Do të ndërtojmë një sistem tjetër emergjencash. Emergjencat civile do t’i kalojnë Ministrisë së Mbrojtjes. Do të bëjë një risstrukturim të plotë të Emergjencave Civile.”, u shpreh Rama. (J.V/Shuplaka)
