Departamenti Amerikan i Shtetit e ngriti sot në nivelin më të lartë këshillën e udhëtimit për në Izrael, duke i paralajmëruar amerikanët të mos udhëtojnë atje.
Këshilla e Nivelit 4 u lëshua në përgjigje të autorizimit të Departamentit të Shtetit për anëtarët e familjeve të personelit të qeverisë amerikane, si dhe të personelit jo-emergjent, që të largohen vullnetarisht për shkak të sulmeve të vazhdueshme midis Izraelit dhe Iranit.
Përveç largimit të autorizuar, ambasada tha dje se “si rezultat i situatës aktuale të sigurisë dhe konfliktit të vazhdueshëm midis Izraelit dhe Iranit, Ambasada e SHBA-së ka udhëzuar që të gjithë punonjësit e qeverisë amerikane dhe anëtarët e familjeve të tyre të vazhdojnë të strehohen në vend dhe pranë banesave të tyre deri në njoftim të mëtejshëm”.
Këshilla e udhëtimit e së hënës vëren se “në përgjigje të incidenteve të sigurisë dhe pa njoftim paraprak, Ambasada e SHBA-së mund të kufizojë ose ndalojë më tej punonjësit e qeverisë amerikane dhe anëtarët e familjeve të tyre që të udhëtojnë në zona të caktuara të Izraelit, Qytetin e Vjetër të Jerusalemit dhe Bregun Perëndimor”.
Më shumë rreth këshillës për udhëtime: Udhëzon amerikanët të mos udhëtojnë në Izrael “për shkak të konfliktit të armatosur, terrorizmit dhe trazirave civile”.
Gjithashtu u këshillon amerikanëve të mos udhëtojnë në Bregun Perëndimor dhe Gaza. Këshilla e mëparshme për udhëtime për Izraelin dhe Bregun Perëndimor ishte Niveli 3: Rishqyrtoni udhëtimin “për shkak të terrorizmit dhe trazirave civile”.
“Situata e sigurisë në Izrael, përfshirë Tel Avivin dhe Jerusalemin, është e paparashikueshme, dhe qytetarëve amerikanë u kujtohet të qëndrojnë vigjilentë dhe të ndërmarrin hapat e duhur për të rritur ndërgjegjësimin e tyre për sigurinë, pasi incidentet e sigurisë, duke përfshirë zjarret me mortaja dhe raketa, si dhe ndërhyrjet dhe raketat e UAV-ve të armatosura, mund të ndodhin pa paralajmërim”, thuhet në njoftimin e përditësuar për udhëtime.
