Konflikti për ilaçet, Diana Toma: U cekën gjithë nenet e kontratës, ja për çfarë ramë dakord në takim

Kreu i urdhrit të Farmacistëve Shqiptarë, Diana Toma e ftuar në ‘Fax News’ ka folur rreth problematikës së farmacistëve të cilët sot u ngritën në protestë për kontratat me Fondin e Sigurimit të Detyrueshëm të Kujdesit Shëndetësor.

Toma tha se problematika ishte shumë shqetësuese dhe prandaj situata erdhi deri tek ky reagim, pasi kontarta me fondin i ngjasonte një marrëveshje ku njëra palë kishte vetëm të drejta, ndërsa pala tjetër vetëm detyrime.

Por Toma, duke falenderuar Ministrinë e Shëndetësisë  u shpreh se në bisedime me fondin janë cekur të gjitha nenet e kontratës ku janë rrëzuar diferencat minus. Ajo tha se për pika të tjera që nuk është rënë dakord rruga mbetet e hapur që të gjendet një zgjidhje pqërmes dialogut.

Ndërkohë pikat e ndryshuara në kontratë pritet të marrin miratimin nga këshilli administrativ në krye të të cilit qëndron ministrja e Shëndetësisë.

“Kjo situatë ishte e panevojshme për të dy institucione erdhi si pasojë e mungesës së dialogut, nëse do e ndaja në dy kategori nivelin e diskutimeve, kishte të bënte më çështjet teknike për kontratat dhe diskutimi lidhur me parimin mbi të cilin lidhen kontaratat, kriteret që duhet të plotësojnë farmacitë për të lidhur kontaratën.

Sa i takon diskutimeve për kontratën ato janë nene që përcaktojne metodikën e marrëdhënies farmaci-fond duke filluar nga detyrimet dhe përgjegjësitë ndaj njëri tjetrit që kanë të dy palët.

Aq shumë ishte agravuar situatë sa që rezultonte se ishte vetëm njëra palë që kishte të drejta dhe tjetra detyrime dhe kjo nuk mund të pranohej më, por dialogu me ministrinë e Shëndetësisë ishte I frytshëm pasi u cekën të tëra nenet e kontratës.

U cekën të tëra nenet e kontratës, u rrëzuan diferencat në minus, u cekën dhe 4-5 pika të tjera të kontarëts, u pranua që të hiqej një penalitet që rëndonte farmacitë që nëse për nja afat ‘x’ kohor  nuk dorëzoheshin pranë fondit dokumentet hiqej kontata për 1 vit, u diskutua lidhur me problemet e sistemit informatik të cilat krijojnë problem më tej në aplikimin e recetës, u ra dakord dhe është lënë diskutimi I hapur për të gjetur një zgjidhje”, tha ajo, e cila shtoi se fakti që disa kërkesa nuk është gjetur dakordësi, dialogu nuk ka përfunduar dhe në një kohë të ardhme mund të gjendet zgjidhje”, tha Toma në ‘Fax Neës’.

Për më tepër ndiqni intervistën e plotë:

(B.H/Faxëeb)