Policia e Elbasanit ka arrestuar në flagrancë shtetasin Taulant Hoxha 38 vjeç banues në fshatin Shtëpanj. Ndalimi i tij u krye pas një konflikti për motive të dobta të ndodhur me vëllain e tij ku mund të përdorej edhe arma e zjarrit.
Njëri nga vëllezërit shtetasi Taulant Hoxha, kur ka parë Policinë ka hedhur armën e zjarrit nga dritarja e banesës.
Në cilësinë e provës materiale u sekuestruan një armë zjarri tip automatik, dy krëhra, 200 fishekë si dhe një dorezë metalike.
Materialet i kaluan Prokurorisë pranë Gjykatës së Shkallës Parë Elbasan, për veprat penale. “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta” parashikuar nga nenet 278/2,3 e 279/1 të Kodit Penal.
(M.Q/Faxweb)
Discussion about this post