Kongres të Jashtëzakonshëm në fillim të tetorit vendosi Kryeministri Edi Rama në Asamblenë Kombëtare të Partisë Socialiste.
Në Kongres, Kryesocialisti i ka kërkuar Sekretarit të Përgjithshëm Blendi Klosi të miratojë Sekretariatin e ri.
Kryeministri ka shkarkuar Ministren e Arsimit, Evis Kushi për t’i dhënë rolin e Sekretares së Gruas.
Ndërkaq ish-Ministrja e Shtetit për Standardet e Shërbimeve, Milva Ekonomi është ngarkuar nga Rama me detyrën e Sekretares së Programit.
Rama: Unë propozoj si fillim që në fillim të Tetorit të ketë një Kongres të Jashtëzakonshëm, ku ministrat e rinj të shpalosin të gjitha idetë e tyre. Me propozim të sekretarit të përgjithshëm në detyrë, Blendi Klosi ju kërkoj të miratoni sekretariatin e ri, që kërkon votëbesim nga Asambleja në Kongres.
Sekretar Organizimi: Ardian Çela
Ardian Çela ish-administratori i OSHEE-së dhe drejtues politik i fushatës elektorale në Durrës.
Burimet Njerëzore: Eduart Ndreca
Eduard Ndreca është deputet i qarkut të Lezhës dhe ka qenë kryetar i Partisë Socialiste në këtë qark.
Sekretare e Gruas: Evis Kushi
Sekretar digjital dhe i rinisë: Etjen Xhafaj
Në qershor 2021, Xhafaj ishte deputet i Kuvendit të Republikës së Shqipërisë duke përfaqësuar Kavajën, Rrogozhinën e Qarkun e Tiranës dhe gjithashtu Sekretar i Komisionit Parlamentar për Politikën e Jashtme dhe Anëtar i Komisionit Parlamentar të Integrimit. Në shtator 2021, Xhafaj ishte një nga gjashtë Sekretarët e Partisë Socialiste, duke drejtuar Sekretariatin Digjital dhe është anëtar i Kryesisë.
Sekretare e marrëdhënieve me jashtë: Romina Kuko
Sekretar i çështjeve zgjedhore: Eridian Salianji
Sekretare e Programit: Milva Ekonomi
(Xh.H/FaxWeb.al)
Discussion about this post