Në mes të debatit të madh për pasojat që i ka sjellë shoqërisë shqiptare Fondacioni i Shoqërisë së Hapur, SOROS dhe atë që do sjellë zgjedhja në krye të SHBA-ve të Donald Trump, vjen një reagim i shkurtër i analistit Ilir Kulla.
Sipas tij, paska qenë vërtetë koha për t’i dhënë fund kësaj ”flame manipulatorësh dhe mashtruesish”.
”Përpjekjet qesharake të Sorosit dhe veglave të tij për të nxjerrë që Trumpin gjoja e ka zgjedhur Putin tregojnë që paska qenë vërtetë koha për t’i dhënë fund kësaj flame manipulatorësh dhe mashtruesish që gjoja nën petkun e lirive (për veten e tyre) sunduan dhe ngatërruan këtë epokë aspak të lavdishme për botën dhe njerëzimin.”, shkruan Kulla.
Gjatë fushatës zgjedhore amerikane, kryeministri Edi Rama deklaroi se presidenti tashmë i zgjedhur Donald Trump ishte një rrezik për Amerikën dhe raportet Shqipëri-SHBA. Ndërkohë që stafi i Trumpit ka urdhëruar që të gjithë ambasadorët e emëruar nga Obama do të zëvendësohen pas 20 janarit. (V.G/SHUPLAKA)
Discussion about this post