Të shtëna me armë janë regjistruar mesditën e sotme në afërsi të Bashkisë së qytetit të Vlorës. Nga të dhënat paraprake mësohet se të shtënat me armë janë shënuar gjatë një konflikti mes dy personave.
Konkretisht flitet se janë konflikuar pronari i një lokali në qytetin bregdetar me një tregtar që shet kafe. Ende nuk dihet se cili ka qëlluar me armë nga të dy të përfshirët në konflikt, por mësohet se dy personat janë shoqëruar në komisariat.
Nga informacionet e deritanishme flitet se shkak i sherrit mes tyre është bërë një konflikt konkurrence. Policia e Vlorës ka sekuestruar edhe armën me të cilën është qëlluar në drejtim të shtetasit D. Dervishi. (XH.A/SHUPLAKA)
Discussion about this post